Haydı, "Qarabağ"! |
Bölmə: İdman | Tarix: 24.10.2024 / 18:38 | Baxış sayı: 2 |
![]() Bu gün Azərbaycan çempionu "Qarabağ" Avropa Liqasının Liqa mərhələsində 3-cü tur oyununa çıxacaq. QOL.az xəbər verir ki, Ağdam təmsilçisi evdə Niderland "Ayaks"ı ilə qarşılaşacaq. Tofiq Bəhramov adına Respublika Stadionunda keçiriləcək görüş saat 20:45-də başlayacaq. Oyunu Şotlandiyadan olan hakimlər briqadası idarə edəcək. Bu, hər iki komandanın bir-birinə qarşı tarixdə ilk matçı olacaq. Lakin buna qədər Ağdam klubu iki dəfə Avropa Liqasının təsnifatının pley-off mərhələsində Niderlandın "Tvente" klubu ilə qarşılaşıb. Bir dəfə (2009-cu il) mərhələ adlayan hollandlar, bir dəfə isə "Qarabağ" (2014-cü il) olub. Bununla belə, bu matçlarda Qurban Qurbanovun komandasının qələbəsi olmayıb. Oyunlarda 3-ü heç-heç bitib, 1-də isə "Tvente" qələbə qazanıb. "Qarabağ" hazırda Liqa mərhələsinin turnir cədvəlində 0 xalla 34-cüdür. Qurban Qurbanovun komandası 1-ci turda "Tottenhem"ə (0:3), 2-ci turda isə "Malmö"yə uduzub (1:2). Aktivində 4 xal olan "Ayaks" isə 8-ci pillədədir. Komanda 1-ci turda "Beşiktaş"ı darmadağın edib (4:0), 2-ci turda "Slaviya" ilə bərabərə qalıb (1:1). Avropa Liqası, Liqa mərhələsi, 3-cü tur 20:45. "Qarabağ" (Azərbaycan) - "Ayaks" (Niderland) Hakimlər: Nikolas Uolş, Qraeme Stevart, Kalum Spence, Kristofer Qraham (Şotlandiya) Tofiq Bəhramov adına Respublika Stadionu. |
OXŞAR XƏBƏRLƏR
![]() |
Bayramov-Mirzoyan-Blinken görüşü... - Sülh yolunda irəliləyiş gözlənilir? |
![]() |
Yamal tarix yazır... - FOTOLAR |
![]() |
“Qarabağ”ın rəqibləri bəlli oldu |
AKTUAL |
![]() |
"Hamı Bakıya qaçır, bəs rayonlarda kim işləsin?" |
![]() |
Nigar Məhəmmədovanın plastik əməliyyatının qurbanı- Foto fakt |
![]() |
Bakıda taksilərin qiyməti qalxdı; gedişhaqqı 35-40 manatdır |
